បងប្អូនធ្លាប់ឃើញរូបព្រះអាទិត្យរះនៅពីក្រោយប្រាសាទអង្គរវត្តដែលមើលទៅដូចជាកំពូលប្រាសាទកំពុងបញ្ចេញពន្លឺមាសដែរឬទេ? នេះគឺជាភាពស្រស់ស្អាតដែលអ្នកអាចឃើញនៅអំឡុងពេលអង្គរវត្តសមរាត្រី ដែលជាពេលវេលាដ៏ពិសេសសម្រាប់អ្នកស្រឡាញ់ការថតរូប និងចង់ទទួលបានបទពិសោធន៍ពីភាពអស្ចារ្យនៃប្រាសាទអង្គរវត្ត។
សមរាត្រីនៅអង្គរវត្តកើតឡើងពីរដងក្នុងមួយឆ្នាំ នៅអំឡុងពេល សមរាត្រីនិទាឃរដូវ និង សមរាត្រីសរទរដូវ សម្រាប់ខែកញ្ញា ឆ្នាំ ២០២៦ នេះ អ្នកអាចរៀបចំដំណើរទៅសៀមរាបនៅចន្លោះថ្ងៃទី ២១ ដល់ ២៣ ខែកញ្ញា ដើម្បីទស្សនា និងថតរូបបាតុភូតដ៏ស្រស់ស្អាតនេះ។
ប្រសិនបើបងប្អូនកំពុងគ្រោងទៅមើលសមរាត្រីនៅអង្គរវត្ត និងចង់បានរូបថតស្អាតៗសម្រាប់រក្សាទុកជាអនុស្សាវរីយ៍ ឬចែករំលែកលើបណ្តាញសង្គម ខាងក្រោមនេះជាគន្លឹះដែលគួរដឹងមុនធ្វើដំណើរ!
គន្លឹះថតរូបនៅសមរាត្រីឱ្យបានស្អាត
១. ទៅដល់មុន ដើម្បីរកកន្លែងថតរូបល្អ
បើចង់បានរូបភាពប្រាសាទអង្គរវត្តជាមួយចំណាំងផ្លាតលើផ្ទៃទឹក អ្នកគួររៀបចំទៅដល់តំបន់ប្រាសាទឱ្យបានមុនម៉ោងបើក។
អង្គរវត្តបើកសម្រាប់ភ្ញៀវចូលទស្សនាចាប់ពីម៉ោង ៥:០០ ព្រឹក។ ដូច្នេះ ការទៅដល់តំបន់ច្រកចូលប្រហែលម៉ោង ៤:៣០–៤:៤៥ ព្រឹក អាចផ្តល់ពេលឱ្យអ្នករៀបចំខ្លួន និងត្រៀមចូលនៅពេលប្រាសាទបើក។
ក្នុងអំឡុងពេលសមរាត្រីនៅអង្គរវត្ត អ្នកថតរូបជាច្រើននឹងចង់បានទីតាំងល្អនៅតំបន់ស្រះទឹក ដូច្នេះទៅមុនអាចជួយឱ្យអ្នកមានជម្រើសកន្លែងថតរូបបានល្អជាងមុន។
២. សាកថតពីមាត់ស្រះទឹក ដើម្បីបានរូបចំណាំងផ្លាត
តំបន់ស្រះទឹកនៅខាងមុខប្រាសាទអង្គរវត្ត គឺជាទីតាំងដ៏ពេញនិយមសម្រាប់ការថតរូបថ្ងៃរះ។
នៅពេលពន្លឺព្រះអាទិត្យចាប់ផ្តើមរះ អ្នកអាចសាកថតទាំងប្រាសាទ និងចំណាំងផ្លាតលើផ្ទៃទឹក ដើម្បីទទួលបានរូបភាពដែលមានសមាសភាពស្រស់ស្អាត និងមានអារម្មណ៍បែបអង្គរវត្តពេលព្រឹក។
គន្លឹះ: មុនថត សូមជូតកញ្ចក់កាមេរ៉ាទូរស័ព្ទឱ្យស្អាត ដើម្បីជៀសវាងស្នាម ឬពន្លឺព្រាលៗនៅលើរូប។
៣. ការគ្រប់គ្រងពន្លឺពេលថតរូប
នៅពេលថតថ្ងៃរះ ពន្លឺពីព្រះអាទិត្យអាចធ្វើឱ្យផ្ទៃមេឃ និងប្រាសាទមានពន្លឺខ្លាំងពេក។
ប្រសិនបើថតតាមទូរស័ព្ទ អ្នកអាចចុចលើតំបន់ដែលចង់ Focus រួចកែពន្លឺចុះបន្តិច។ វាអាចជួយឱ្យមេឃមានពណ៌ស្រស់ស្អាតជាងមុន។
ប្រសិនបើទូរស័ព្ទរបស់អ្នកមាន HDR, Night Mode ឬ Pro Mode ក៏អាចសាកល្បងប្រើតាមស្ថានភាពពន្លឺផងដែរ។
៤. សាករកមុំថតផ្សេងពីកន្លែងដែលមានមនុស្សច្រើន
មិនចាំបាច់ថតតែពីមាត់ស្រះទឹកទេ។ ប្រសិនបើអ្នកចង់បានរូបភាពប្លែកជាងធម្មតា អ្នកអាចសាករកមុំថតពីតំបន់ផ្សេងៗនៅជុំវិញផ្លូវចូល និងអគារបណ្ណាល័យថ្ម។
ការប្រើជញ្ជាំង ឬស៊ុមទ្វារបុរាណជាផ្នែកខាងមុខនៃរូប អាចធ្វើឱ្យប្រាសាទ និងពន្លឺថ្ងៃរះនៅខាងក្រោយមើលទៅមានភាពលេចធ្លោនិងមានភាពច្នៃប្រឌិតជាងមុន។
៥. កុំភ្លេច Power Bank និងឧបករណ៍ចាំបាច់
ការទៅរង់ចាំថតថ្ងៃរះតាំងពីព្រឹកព្រលឹម មានន័យថាអ្នកអាចប្រើទូរស័ព្ទ ឬកាមេរ៉ារបស់អ្នកអស់ថ្មលឿនជាងធម្មតា។
ដូច្នេះ គួររៀបចំ៖
• ទូរស័ព្ទ ឬកាមេរ៉ា
• Power Bank
• ទឹកផឹក
• អាវក្រៅស្រាល ប្រសិនបើអាកាសធាតុពេលព្រឹកត្រជាក់
• ក្រដាស ឬក្រណាត់សម្រាប់ជូតឡេនកាមេរ៉ា
ហើយប្រសិនបើយក Tripod ទៅ សូមពិនិត្យមើលការណែនាំ និងបទបញ្ជារបស់ទីតាំងជាមុន ដើម្បីប្រាកដថាអាចប្រើបាន។
កុំប្រញាប់ចាកចេញក្រោយព្រះអាទិត្យរះ
នៅពេលព្រះអាទិត្យរះរួច មនុស្សជាច្រើនអាចចាប់ផ្តើមចាកចេញពីតំបន់ថតរូប ដើម្បីទៅរកអាហារពេលព្រឹក ឬបន្តដំណើរទៅកន្លែងផ្សេង។
ប៉ុន្តែប្រសិនបើអ្នកមិនប្រញាប់ អ្នកអាចឆ្លៀតពេលដើរទស្សនាបរិវេណប្រាសាទបន្ថែម។ ពន្លឺពេលព្រឹកដែលប៉ះតាមជញ្ជាំង និងចម្លាក់បុរាណ អាចផ្តល់នូវមុំថតរូបផ្សេងៗទៀតដែលមិនដូចរូបថ្ងៃរះធម្មតា។
អ្នកក៏អាចប្រើពេលនេះដើម្បីថតរូបលម្អិតនៃស្ថាបត្យកម្ម និងចម្លាក់បុរាណ មុនពេលបន្តដំណើរទៅកាន់ប្រាសាទផ្សេងៗក្នុងតំបន់អង្គរ។
របៀបធ្វើដំណើរទៅសៀមរាបសម្រាប់សមរាត្រីនៅអង្គរវត្ត
បើបងប្អូនមានគម្រោងទៅសៀមរាបក្នុងអំឡុងពេលនេះ កុំភ្លេចរៀបចំការធ្វើដំណើរទុកជាមុន។ ដោយសារតែជាពេលវេលាដែលមានអ្នកចាប់អារម្មណ៍ទៅទស្សនាអង្គរវត្ត ច្រើន តម្រូវការធ្វើដំណើរអាចកើនឡើង ហើយជម្រើសម៉ោងធ្វើដំណើរដែលអ្នកចង់បានអាចមានកំណត់។
ជាមួយ redBus អ្នកអាចស្វែងរក និងប្រៀបធៀបជម្រើសឡានក្រុងពីក្រុមហ៊ុនផ្សេងៗ មើលម៉ោងចេញដំណើរ និងកក់សំបុត្រតាមអនឡាញបានយ៉ាងងាយស្រួល។
សម្រាប់អ្នកដែលធ្វើដំណើរពីតំបន់ផ្សេងៗ អ្នកអាចពិនិត្យមើលជម្រើសផ្លូវដែលសមស្រប ដូចជា៖
• កក់សំបុត្រឡានក្រុងពីភ្នំពេញទៅសៀមរាប
• កក់សំបុត្រឡានក្រុងពីបាត់ដំបងទៅសៀមរាប
• កក់សំបុត្រឡានក្រុងពីប៉ោយប៉ែតទៅសៀមរាប
redBus ក៏មានជម្រើសពីក្រុមហ៊ុនឡានក្រុងជាច្រើន ដើម្បីឱ្យអ្នកអាចជ្រើសរើសតាមម៉ោងធ្វើដំណើរ តម្លៃ និងប្រភេទសេវាកម្មដែលសមនឹងដំណើររបស់អ្នក។
មិនថាអ្នកចង់ធ្វើដំណើរជាមួយ VET Air Bus, Vireak Buntham, Larryta, Saly VIP, Cambolink21 Express, Giant Ibis ឬក្រុមហ៊ុនផ្សេងៗទៀតដែលមានសម្រាប់ផ្លូវរបស់អ្នកទេ អ្នកអាចពិនិត្យមើលជម្រើសដែលមាននៅលើ redBus មុនពេលធ្វើការកក់។
ត្រៀមអ្វីខ្លះមុនទៅមើលសមរាត្រីនៅអង្គរវត្ត?
មុនចេញដំណើរ សូមរៀបចំរបស់សំខាន់ៗឱ្យរួចរាល់ ដើម្បីកុំឱ្យព្រឹកថ្ងៃទៅមានភាពរញ៉េរញ៉ៃ៖
រៀបចំសំបុត្រធ្វើដំណើរ: កក់ឡានក្រុងទុកជាមុន ប្រសិនបើអ្នកមានថ្ងៃ និងម៉ោងធ្វើដំណើរច្បាស់លាស់។
រៀបចំឧបករណ៍ថតរូប: សាកថ្មទូរស័ព្ទ និងកាមេរ៉ាឱ្យពេញ ហើយកុំភ្លេច Power Bank។
ពិនិត្យអាកាសធាតុ: ខែកញ្ញាអាចមានភ្លៀង ដូច្នេះគួរពិនិត្យអាកាសធាតុមុនចេញដំណើរ និងរៀបចំអាវភ្លៀង ឬឧបករណ៍ការពារកាមេរ៉ាប្រសិនបើចាំបាច់។
ស្លៀកពាក់សមរម្យ: អ្នកកំពុងចូលទស្សនាតំបន់ប្រាសាទ និងទីកន្លែងមានសារៈសំខាន់ខាងវប្បធម៌ ដូច្នេះគួរស្លៀកពាក់សមរម្យ និងគោរពតាមបទបញ្ជារបស់ទីតាំង។
សេចក្តីសន្និដ្ឋាន
សមរាត្រីនៅអង្គរវត្តឆ្នាំ ២០២៦ មិនមែនគ្រាន់តែជាពេលវេលាសម្រាប់មើលថ្ងៃរះ និងថតរូបស្អាតៗប៉ុណ្ណោះទេ ប៉ុន្តែវាក៏ជាឱកាសដ៏ល្អក្នុងការទស្សនាស្ថាបត្យកម្ម និងស្នាដៃដ៏អស្ចារ្យរបស់បុព្វបុរសខ្មែរយើងផងដែរ។
ចាប់ពីការរកទីតាំងថតរូបល្អ ការកែពន្លឺលើទូរស័ព្ទ រហូតដល់ការរៀបចំ Power Bank និងសំបុត្រធ្វើដំណើរ ការត្រៀមខ្លួនជាមុនអាចធ្វើឱ្យដំណើររបស់អ្នកកាន់តែងាយស្រួល និងរីករាយជាងមុន។
ដូច្នេះ បើបងប្អូនមានគម្រោងទៅសៀមរាបនៅថ្ងៃទី ២១–២៣ ខែកញ្ញា ឆ្នាំ ២០២៦ កុំភ្លេចរៀបចំដំណើររបស់អ្នកទុកជាមុន និងស្វែងរកសំបុត្រឡានក្រុងទៅសៀមរាបតាមរយៈ redBus ដើម្បីស្វែងរកជម្រើសធ្វើដំណើរដែលសមនឹងអ្នក។
សំណួរដែរសួរញឹកញាប់ (FAQs)
សមរាត្រីកើតឡើងពីរដងក្នុងមួយឆ្នាំ នៅអំឡុងពេល សមរាត្រីនិទាឃរដូវ និង សមរាត្រីសរទរដូវ។ សម្រាប់ឆ្នាំ ២០២៦ អ្នកអាចរៀបចំទៅទស្សនា និងថតរូបនៅចន្លោះថ្ងៃទី ២១ ដល់ ២៣ ខែកញ្ញា។
អង្គរវត្តបើកសម្រាប់ភ្ញៀវចូលទស្សនាចាប់ពីម៉ោង ៥:០០ ព្រឹក។ ប្រសិនបើចង់បានកន្លែងថតរូបល្អក្នុងអំឡុងពេលសមរាត្រី គួររៀបចំទៅដល់តំបន់ច្រកចូលឱ្យបានមុនម៉ោងបើក។
តំបន់ស្រះទឹកនៅខាងមុខេអង្គរវត្ត គឺជាជម្រើសពេញនិយមសម្រាប់ថតរូបប្រាសាទជាមួយចំណាំងផ្លាតលើផ្ទៃទឹក។ អ្នកក៏អាចសាករកមុំថតនៅតាមផ្លូវចូល ឬជុំវិញអគារបណ្ណាល័យ ដើម្បីទទួលបានរូបភាពដែលមានការរៀបចំប្លង់ប្លែកជាងមុន។
គួររៀបចំទូរស័ព្ទ ឬកាមេរ៉ាដែលមានថ្មគ្រប់គ្រាន់, Power Bank និងក្រណាត់សម្រាប់ជូតឡេនកាមេរ៉ា។ ប្រសិនបើមានឧបករណ៍ថតរូបបន្ថែម សូមពិនិត្យបទបញ្ជារបស់ទីតាំងជាមុនថាអាចប្រើបានឬអត់។
បាន។ អ្នកមិនចាំបាច់មានកាមេរ៉ាអាជីពដើម្បីថតរូបស្អាតទេ។ សាកល្បង Focus លើប្រាសាទ ឬព្រះអាទិត្យ ហើយកែពន្លឺចុះបន្តិច ប្រសិនបើរូបមានពន្លឺខ្លាំងពេក។ កុំភ្លេចជូតឡេនកាមេរ៉ាមុនថតផងដែរ។
គួរ។ ប្រសិនបើអ្នកមានគម្រោងទៅសៀមរាបក្នុងអំឡុងពេលសមរាត្រីនៅអង្គរវត្ត ការកក់ជាមុនអាចជួយឱ្យអ្នកមានជម្រើសម៉ោងចេញដំណើរ និងសេវាឡានក្រុងច្រើនជាងមុន ជាពិសេសប្រសិនបើអ្នកមានកាលវិភាគជាក់លាក់។
បាន។ redBus មានជម្រើសក្រុមហ៊ុនឡានក្រុងជាច្រើនសម្រាប់ផ្លូវដែលមានសេវាកម្ម ដូច្នេះអ្នកអាចប្រៀបធៀបម៉ោងចេញដំណើរ តម្លៃ និងជម្រើសសេវាកម្ម មុនពេលជ្រើសរើស និងកក់សំបុត្រតាមអនឡាញ។
About the Author
