Kampot ទៅ Phnom Penh សេវាឡានក្

សម្រាប់អ្នកដំណើរភាគច្រើន ការធ្វើដំណើរក៏មានសារៈសំខាន់ដូចជាគោលដៅដែរ។ ស្របពេលដែលមនុស្សមួយចំនួនចូលចិត្តការជិះលេងកម្សាន្ត ក៏មានមនុស្សមួយចំនួនទៀតចូលចិត្តអង្គុយគយគន់ទេសភាពនៅពេលធ្វើដំណើរ។  ប្រសិនបើអ្នកមានគម្រោង មកធ្វើដំណើរកម្សាន្តនៅប្រទេសកម្ពុជា ហើយកំពុងស្វែងរក
រថយន្តក្រុងពីខេត្តកំពតទៅរាជធានីភ្នំពេញ ដូច្នេះអ្នកត្រូវកន្លែងហើយ។ ការធ្វើដំណើរតាមរថយន្តក្រុងមិនត្រឹមតែល្អដល់បរិស្ថានប៉ុណ្ណោះទេ ប៉ុន្តែវាក៏អាចជួយសន្សំសំចៃដល់ការធ្វើដំណើរផងដែរ។ ប្រសិនបើអ្នកមានពេលវេលាកំណត់ ហើយចង់សន្សំពេលវេលាដោយធ្វើដំណើរនៅពេលយប់ អ្នកក៏អាចជ្រើសរើសយកការធ្វើដំណើរតាមរថយន្តក្រុងពេលយប់ពីខេត្តកំពតទៅរាជធានីភ្នំពេញបានដែរ។  

ដំណើរកម្សាន្តដែលបានគ្រោងទុកយ៉ាងត្រឹមត្រូវ នឹងធ្វើឱ្យអ្នកផ្តោតអារម្មណ៍លើការសប្បាយ ជាជាងគម្រោងដែលរៀបចំនៅនាទីចុងក្រោយ។ វាត្រូវបានណែនាំអោយអ្នករៀបចំផែនការធ្វើដំណើររបស់អ្នកដោយប្រុងប្រយ័ត្ន ដើម្បីទទួលបានអត្ថប្រយោជន៍ច្រើនបំផុតពីការធ្វើដំណើររបស់អ្នក។

តើការធ្វើដំណើរតាមរថយន្តក្រុងពីខេត្តកំពតទៅរាជធានីភ្នំពេញចំណាយពេលប៉ុន្មានម៉ោង?

ជាទូទៅ ​ការធ្វើដំណើរតាមរថយន្តក្រុងពីខេត្តកំពតទៅរាជធានីភ្នំពេញដែលមានចម្ងាយ ១៤១ គីឡូម៉ែត្រត្រូវចំណាយពេលប្រហែល ៣ម៉ោងកន្លះ។ មានជម្រើសជាច្រើនសម្រាប់អ្នក ដូច្នេះហើយអ្នកអាចជ្រើសរើសពេលវេលាធ្វើដំណើរតាមផែនការរបស់អ្នក។ ដោយសារតែផ្លូវពីខេត្តកំពតទៅរាជធានីភ្នំពេញជាផ្លូវដែលមានភាពមមាញឹក ដូច្នេះហើយទើបមានរថយន្តក្រុងធ្វើដំណើរទៅ និងមកច្រើនណាស់។ អ្នកអាចជ្រើសរើសប្រភេទរថយន្តក្រុងពីខេត្តកំពតទៅរាជធានីភ្នំពេញបានទៅតាមចំណង់ចំណូលចិត្តរបស់អ្នក អ្នកអាចជ្រើសរើសរថយន្តក្រុងគ្រែគេង រថយន្តក្រុងប្រណិត ឬរថយន្តក្រុងធម្មតា។

អំពីរាជធានីភ្នំពេញ

ភ្នំពេញ ជារាជធានីនៃប្រទេសកម្ពុជា ដែលល្បីថាមានផ្សារជាច្រើន។ ទីក្រុងដ៏ស្រស់បំព្រង និងរស់រវើកមួយនេះ មានទីតាំងស្ថិតនៅតំបន់ភូមិភាគអាគ្នេយ៍ ត្រង់ចំណុចប្រសព្វនៃទន្លេមេគង្គ ទន្លេបាសាក់ និងទន្លេសាប។ ទីក្រុងនេះមានភាពរស់រវើកនៅពេលយប់ ដោយសារតាមដងផ្លូវមានដើមឈើធំៗ អគារខ្ពស់ៗដ៏គួរឱ្យទាក់ទាញ និងរូបសំណាកដ៏ខ្ពស់ៗ។ ភាពទាក់ទាញខ្លាំងបំផុតរបស់វា គឺមានការបន្សល់ទុកនូវវត្ថុបុរាណពីសម័យអង្គរដែលមានអាយុកាលរាប់សតវត្សមកហើយ ដែលមានដាក់បង្ហាញនៅក្នុងអគារដីឥដ្ឋក្រហម និងទេសភាពនាពេលព្រះអាទិត្យលិច។ ក៏ប៉ុន្តែ ទីក្រុងនេះនៅតែមានអាកាសធាតុបែបត្រូពិកគឺក្ដៅពេញមួយឆ្នាំ។ ខែធ្នូ និងខែមករា គឺជាខែដែលគួរមកកម្សាន្តនៅទីក្រុងនេះដ៏ល្អបំផុត។

ក្រុមហ៊ុនរថយន្តក្រុងពីខេត្តកំពតទៅរាជធានីភ្នំពេញដ៏ពេញនិយម

ខាងក្រោមនេះគឺជាក្រុមហ៊ុនរថយន្តក្រុងល្បីឈ្មោះមួយចំនួនដែលផ្តល់សេវារថយន្តក្រុងពីខេត្តកំពតទៅរាជធានីភ្នំពេញ។ ភាពងាយស្រួលបែបស្តង់ដារ ដែលត្រូវបានផ្ដល់ជូន រួមមាន ទឹកពិសារឥតគិតថ្លៃ សេវា Wi-Fi កៅអីដ៏មានផាសុកភាព ជាមួយនឹងកន្លែងដាក់ជើងធំទូលាយ។ ក៏ប៉ុន្តែ ក្រុមហ៊ុនរថយន្តក្រុងលំដាប់ខ្ពស់មួយចំនួនផ្តល់ជូនអាហារសម្រន់ដោយឥតគិតថ្លៃ និងសេវាកម្មផ្សេងទៀតផងដែរ។

• ក្រុមហ៊ុន គីមសេង អ៊ិចប្រេស្ស
• ក្រុមហ៊ុន ឯករាជ្យ អ៊ិចប្រេស
• ក្រុមហ៊ុន វិបុល អ៊ិចប្រេស
• ក្រុមហ៊ុន វីរៈ ប៊ុនថាំ
• ក្រុមហ៊ុនរថយន្តក្រុង​ Giant Ibis

តម្លៃសំបុត្ររថយន្តក្រុងពីខេត្តកំពតទៅរាជធានីភ្នំពេញ

ជាធម្មតាអ្នកត្រូវចំណាយពី $៦ ដល់ $១០ លើថ្លៃសំបុត្ររថយន្តក្រុងពីខេត្តកំពតទៅរាជធានីភ្នំពេញ។ វាអាស្រ័យទៅលើតម្លៃសំបុត្ររថយន្តក្រុង និងក្រុមហ៊ុនរថយន្តក្រុងដែលអ្នកជ្រើសរើស។ ដោយសារផ្លូវពីខេត្តកំពតទៅរាជធានីភ្នំពេញជាផ្លូវដែលពេញនិយម ដូច្នេះ អ្នកគួរកក់សំបុត្ររថយន្តក្រុងទុកជាមុន ដើម្បីជៀសវាងការប្រញាប់ប្រញាល់នៅនាទីចុងក្រោយ។

កន្លែងដែលគួរទៅទស្សនានៅក្នុងរាជធានីភ្នំពេញ

រាជធានីភ្នំពេញជាបណ្ដុំនៃភាពឆ្នៃប្រឌិត  និងមានទេសភាពប្លែកៗទាក់ភ្នែក ជម្រើសអាហារដ៏សម្បូរបែប និងភាពសប្បាយរីករាយនាពេលរាត្រី។ ខាងក្រោមនេះជាកន្លែងមួយចំនួនដែលអ្នកគួរទៅទស្សនានៅ ក្នុង
រាជធានី​ភ្នំពេញ ដើម្បីបង្កើនបទពិសោធន៍ធ្វើដំណើរកម្សាន្តរបស់អ្នក៖

• សារមន្ទីរឧក្រិដ្ឋកម្មប្រល័យពូជសាសន៍ទួលស្លែង៖ លាតត្រដាងអំពីប្រវត្តិសាស្ត្រដ៏ខ្មៅងងឹតរបស់ប្រជាជនកម្ពុជាស្លូតត្រង់ ដែលត្រូវបានជាប់ឃុំឃាំង និងធ្វើទារុណកម្មនៅទីនោះ។
• ព្រះ​បរម​រាជ​វាំងនៃកម្ពុជា៖ មកស្គាល់ពីភាពអស្ចារ្យនៃព្រះបរមរាជវាំងនៃព្រះរាជាណាចក្រកម្ពុជា។
• ផ្សារទំនើបអ៊ីអន៖ រីករាយក្នុងការដើរទិញទំនិញម៉ាកល្បីៗលំដាប់ពិភពលោកនៅទីនេះ។
• វិមានឯករាជ្យ៖ គយគន់វិមាន​រាង​ផ្កាឈូក​​ដែល​បង្ហាញពីលក្ខណៈ​ស្ថាបត្យកម្មរបស់​ខ្មែរ។
• ផ្លូវ ១៩៖ សាករសជាតិអាហារខ្មែរពិតៗ នៅតូបលក់អាហារលើផ្លូវលេខ ១៩ ដ៏អ៊ូអរ។
• ទន្លេមេគង្គ៖ បន្ធូរភាពតានតឹងជាមួយនឹងការជិះទូកកម្សាន្តមើលទេសភាពតាមដងទន្លេ និងមើលព្រះអាទិត្យ​លិចដ៏ស្រស់ត្រកាល។
• មជ្ឈមណ្ឌល​សង្គ្រោះសត្វព្រៃ​ ភ្នំតាម៉ៅ៖ ទស្សនាជីវិតសត្វព្រៃដែលរស់នៅក្នុងជម្រកធម្មជាតិរបស់វាក្នុងសួនសត្វដ៏ធំបំផុតរបស់ប្រទេសកម្ពុជា។
• ផ្លូវបាសាក់៖ មកដើរកម្សាន្តតាមផ្លូវដ៏អ៊ូអរនេះ ដើម្បីទទួលទានអាហារពេលល្ងាចនៅភោជនីយដ្ឋាន ឬ សណ្ឋាគារល្អៗ។

គន្លឹះធ្វើដំណើរនៅក្នុងរាជធានីភ្នំពេញ

នៅ​ពេល​​អ្នក​ចេញ​​ដំណើរ​ទៅ​រាជធានី​ភ្នំពេញ អ្នក​ត្រូវអនុត្ត​តាម​គន្លឹះណែនាំនៃការ​ធ្វើ​ដំណើរ​ដូច​ខាង​ក្រោម៖

• ជ្រើសរើសភោជនីយដ្ឋានដែលមានការវាយតម្លៃល្អ ដើម្បីទទួលបានការសាកល្បងរសជាតិពិតនៃម្ហូបខ្មែរក្នុងស្រុក ក្នុងរាជធានីភ្នំពេញ
• ស្លៀកសម្លៀកបំពាក់ធម្មតាដែលសមរម្យ ដើម្បីបន្ថែមភាពសប្បាយរីករាយ ផាសុកភាព និងការកម្សាន្តបន្ថែមទៀតដល់ការធ្វើដំណើររបស់អ្នក។
• នៅពេលដើរទិញឥវ៉ាន់ សូមកុំខ្លាចនឹងធ្វើការតថ្លៃ ដើម្បីទិញបានឥវ៉ាន់ក្នុងតម្លៃដ៏សមរម្យបំផុត
• ជៀសវាងពិភាក្សាអំពីនយោបាយ និងប្រធានបទដ៏រសើបនៅរាជធានីភ្នំពេញ
• ត្រូវមាន​ការ​ប្រុង​ប្រយ័ត្ន​នៅតាមដងផ្លូវដែលមានមនុស្សច្រើន ដើម្បីជៀសវាងឧបទ្ទវហេតុដូចជាបាត់បង់វត្ថុមានតម្លៃ ឬឯកសារផ្សេងៗ។