Kampot ទៅ Phnom Penh សេវាឡានក្រុង

សម្រាប់អ្នកធ្វើដំណើរភាគច្រើន ការធ្វើដំណើរផ្ទាល់គឺមានសារៈសំខាន់ស្មើនឹងគោលដៅទេសចរណ៍ដែរ។ ខណៈពេលដែលមនុស្សមួយចំនួនចូលចិត្តបើកបរដោយខ្លួនឯង ក៏មានមនុស្សមួយចំនួនទៀតចង់អង្គុយសម្រាកលម្ហែកាយ និងរីករាយជាមួយការធ្វើដំណើរផងដែរ។ ប្រសិនបើលោកអ្នកក៏កំពុងទន្ទឹងរង់ចាំការដើរកម្សាន្តនៅក្នុងប្រទេសកម្ពុជា និងកំពុងស្វែងរកឡានក្រុងពីកំពតទៅភ្នំពេញនោះ លោកអ្នកបានមកដល់កន្លែងដែលត្រឹមត្រូវហើយ។ ការធ្វើដំណើរតាមឡានក្រុងមិនត្រឹមតែល្អសម្រាប់បរិស្ថានប៉ុណ្ណោះទេ ប៉ុន្តែវាក៏អាចជួយឱ្យលោកអ្នកធ្វើដំណើរទៅណាមកណាដោយសន្សំសំចៃការចំណាយខ្ពស់ផងដែរ។ លោកអ្នកក៏អាចធ្វើដំណើរតាមឡានក្រុងពីកំពតទៅភ្នំពេញបានផងដែរ ប្រសិនបើលោកអ្នកមានពេលវេលាកំណត់ ហើយចង់ឆ្លៀតប្រើប្រាស់ពេលវេលានៅពេលយប់សម្រាប់ការធ្វើដំណើរ។

ដំណើរកម្សាន្តដែលបានរៀបចំផែនការយ៉ាងល្អ នឹងអនុញ្ញាតឱ្យលោកអ្នកផ្តោតអារម្មណ៍កាន់តែខ្លាំងទៅលើភាពសប្បាយរីករាយ និងកាត់បន្ថយការខ្វល់ខ្វាយអំពីការរៀបចំចាត់ចែងនៅនាទីចុងក្រោយ។ លោកអ្នកគួរតែរៀបចំផែនការធ្វើដំណើរ (Itinerary) របស់ខ្លួនឱ្យបានហ្មត់ចត់ ដើម្បីទទួលបានអត្ថប្រយោជន៍ និងក្តីរីករាយបំផុតពីដំណើរកម្សាន្តរបស់លោកអ្នក។ 

តើការធ្វើដំណើរតាមឡានក្រុងពីកំពតទៅភ្នំពេញចំណាយពេលប៉ុន្មាន?

ជាទូទៅ ការធ្វើដំណើរតាមឡានក្រុងពីកំពតទៅភ្នំពេញគឺចំណាយពេលប្រហែល ៣ ម៉ោងកន្លះ ដើម្បីគ្របដណ្តប់លើចម្ងាយផ្លូវ ១៤១ គីឡូម៉ែត្រ។ ក្រុងកំពត មានទីតាំងស្ថិតនៅតាមបណ្តោយដងព្រែកទឹកឈូ ភាគខាងត្បូងនៃប្រទេសកម្ពុជា។ តំបន់នេះល្បីល្បាញខ្លាំងខាងចម្ការម្រេច និងស្រែអំបិល។ មានជម្រើសជាច្រើនដែលអនុញ្ញាតឱ្យលោកអ្នកអាចជ្រើសរើសពេលវេលាធ្វើដំណើរ ផ្អែកលើផែនការធ្វើដំណើរ ផ្ទាល់ខ្លួនរបស់លោកអ្នក។ ដោយសារនេះជាផ្លូវដ៏ពេញនិយម ដូច្នេះមានឡានក្រុងជាច្រើនដែលរត់ទៅមកនៅលើផ្លូវមួយនេះ។

លោកអ្នកនឹងមានឱកាសជ្រើសរើសប្រភេទឡានក្រុងផ្សេងៗគ្នាពីកំពតទៅភ្នំពេញ។ ផ្អែកលើចំណូលចិត្ត លោកអ្នកអាចជ្រើសរើសប្រភេទឡានក្រុងគ្រែគេង ឡានក្រុងប្រណីត ឬឡានក្រុងធម្មតា។ កក់ សំបុត្រឡានក្រុង របស់អ្នកតាមអនឡាញតាមរយៈ redBus ដើម្បីទទួលបានការកក់សំបុត្រដ៏រលូន គ្មានក្តីបារម្ភ និងមានសុវត្ថិភាពខ្ពស់។ 

អំពីទីក្រុងភ្នំពេញ

រាជធានីភ្នំពេញ គឺជាទីក្រុងដ៏ធំធ្លាយរបស់ប្រទេសកម្ពុជា ដែលល្បីល្បាញខ្លាំងតាមរយៈបណ្តាញផ្សារតូចធំខ្វាត់ខ្វែងនៅតាមសហគមន៍។ ទីក្រុងដ៏មានមន្តស្នេហ៍ និងរស់រវើកមួយនេះ មានទីតាំងស្ថិតនៅភាគអាគ្នេយ៍ ចំចំណុចប្រសព្វនៃទន្លេមេគង្គ ទន្លេបាសាក់ និងទន្លេសាប។ នាពេលរាត្រី ទីក្រុងភ្នំពេញកាន់តែមានជីវិតជីវ៉ា តាមរយៈទិដ្ឋភាពដងផ្លូវដ៏មមាញឹកលម្អដោយជួរដើមឈើខៀវស្រងាត់ អមដោយអគារខ្ពស់កប់ពពក និងរូបសំណាកធំៗស្កឹមស្កៃ។ ចំណុចទាក់ទាញសំខាន់ៗរបស់ទីក្រុង រួមមានការដាក់តាំងបង្ហាញវត្ថុបុរាណតាំងពីសម័យអង្គរដែលមានអាយុកាលរាប់រយឆ្នាំ នៅក្នុងអគារដីដុតពណ៌ក្រហមឆ្អៅ (សារមន្ទីរជាតិ) និងទិដ្ឋភាពធម្មជាតិដ៏ស្រស់ត្រកាលនាពេលថ្ងៃលិច។ ទោះជាយ៉ាងណាក៏ដោយ អាកាសធាតុនៅទីនេះគឺមានលក្ខណៈក្តៅសើម (ត្រូប៉ិក) ពេញមួយឆ្នាំ ដោយក្នុងនោះខែធ្នូ និងខែមករា គឺជាខែដ៏ល្អបំផុតសម្រាប់ការមកកម្សាន្ត។ 

ក្រុមហ៊ុនឡានក្រុងពេញនិយមពីកំពតទៅភ្នំពេញ

ខាងក្រោមនេះជាបញ្ជីឈ្មោះក្រុមហ៊ុនឡានក្រុងដែលមានកេរ្តិ៍ឈ្មោះល្បីល្បាញ និងផ្តល់សេវាកម្មដឹកជញ្ជូនពីកំពតទៅភ្នំពេញ។ សេវាកម្មបន្ថែមទូទៅរួមមាន ទឹកបរិសុទ្ធឥតគិតថ្លៃ ប្រព័ន្ធ Wi-Fi និងកៅអីអង្គុយប្រកបដោយផាសុកភាពជាមួយកន្លែងដាក់ជើងធំទូលាយ។ ទោះជាយ៉ាងណាក៏ដោយ ក្រុមហ៊ុនលំដាប់ខ្ពស់មួយចំនួនក៏មានផ្តល់ជូននូវនំចំណីសម្រន់ និងសេវាកម្មពិសេសៗផ្សេងទៀតផងដែរ។

• គីមសេង អ៊ិចប្រេស (Kim Seng Express)

• ឯករាជ្យ អ៊ិចប្រេស (Ekareach Express)

• វិបុល អ៊ិចប្រេស (Vibol Express)

• វីរៈប៊ុនថាំ (Virak Buntham)

• ចាយអិន អាយប៊ីស (Giant Ibis)

តម្លៃសំបុត្រឡានក្រុងពីកំពតទៅភ្នំពេញ

ជាទូទៅ លោកអ្នកត្រូវចំណាយចន្លោះពី ៦ ដុល្លារ ដល់ ១០ ដុល្លារ សម្រាប់ការធ្វើដំណើរតាមឡានក្រុងពីកំពតទៅភ្នំពេញ។ តម្លៃសំបុត្រជាក់ស្តែងគឺអាស្រ័យលើប្រភេទឡាន និងក្រុមហ៊ុនឡានក្រុងដែលលោកអ្នកជ្រើសរើស។ ដោយសារនេះជាផ្លូវដ៏ពេញនិយម ពួកយើងណែនាំឱ្យលោកអ្នកកក់សំបុត្រឡានក្រុងទុកជាមុន ដើម្បីជៀសវាងការប្រញាប់ប្រញាល់នៅនាទីចុងក្រោយ។ 

សកម្មភាពកម្សាន្តគួរធ្វើនៅទីក្រុងភ្នំពេញ

ទីក្រុងភ្នំពេញ គឺជាចំណុចកណ្តាលនៃភាពច្នៃប្រឌិតថ្មីៗ បទពិសោធន៍ប្លែកភ្នែក ម្ហូបអាហារដ៏ឈ្ងុយឆ្ងាញ់ និងការកម្សាន្តពេលរាត្រីដ៏រីករាយ។ ខាងក្រោមនេះជាសកម្មភាពមួយចំនួនដែលលោកអ្នកគួរធ្វើ ដើម្បីបង្កើនបទពិសោធន៍ទេសចរណ៍របស់អ្នកឱ្យកាន់តែអស្ចារ្យ៖

សារមន្ទីរប្រល័យពូជសាសន៍ទួលស្លែង៖ 

ស្វែងយល់ពីប្រវត្តិសាស្ត្រដ៏ខ្មៅងងឹត និងទុក្ខសោករបស់ប្រជាជនកម្ពុជាស្លូតត្រង់ ដែលត្រូវបានគេឃុំឃាំង និងធ្វើទារុណកម្មនៅទីនេះ។

ព្រះបរមរាជវាំងកម្ពុជា៖ 

ចូលទៅក្រេបជញ្ជក់នូវភាពអស្ចារ្យ និងភាពស្កឹមស្កៃនៃព្រះបរមរាជវាំង។

ផ្សារទំនើបអ៊ីអន (Aeon Mall)៖ 

បំពេញបំណងប្រាថ្នានៃការដើរទិញទំនិញម៉ាកល្បីៗកម្រិតពិភពលោកនៅទីនេះ។

វិមានឯករាជ្យ៖ ទស្សនា និងកោតសរសើរវិមានរំលឹកគុណដែលមានរាងជាផ្កាឈូក ដែលបង្ហាញពីស្ថាបត្យកម្មដ៏ល្អឯករបស់ខ្មែរ។

ផ្លូវលេខ ១៩៖ 

ភ្លក្សរសជាតិពិតៗនៃម្ហូបខ្មែរនៅតាមស្តង់លក់អាហារដ៏មមាញឹកតាមបណ្តោយផ្លូវលេខ ១៩។

ទន្លេមេគង្គ៖ 

ផ្តិតយករូបភាពថ្ងៃលិចដ៏ស្រស់ស្អាត តាមរយៈការជិះទូកកម្សាន្តនៅលើទន្លេដ៏គួរឱ្យចង់គយគន់នេះ។

ឧទ្យានជាតិភ្នំតាម៉ៅ និងមជ្ឈមណ្ឌលសង្គ្រោះសត្វព្រៃ៖ ទស្សនាសត្វព្រៃរបស់កម្ពុជារស់នៅក្នុងទីជម្រកធម្មជាតិរបស់ពួកវា នៅក្នុងសួនសត្វដ៏ធំបំផុតរបស់ប្រទេស។

ផ្លូវបាសាក់ឡែន (Bassac Lane)៖ 

ទៅកម្សាន្តនៅដងផ្លូវដ៏មមាញឹកមួយនេះ ដើម្បីរីករាយជាមួយអាហារពេលល្ងាចនៅតាមភោជនីយដ្ឋាន ឬសណ្ឋាគារល្អៗ។ 

គន្លឹះក្នុងការធ្វើដំណើរទៅកាន់ទីក្រុងភ្នំពេញ

នៅពេលដែលលោកអ្នកចាប់ផ្តើមធ្វើដំណើរទៅកាន់ទីក្រុងភ្នំពេញ វាពិតជាមានសារៈសំខាន់ណាស់ក្នុងការអនុវត្តតាមគន្លឹះធ្វើដំណើរខាងក្រោម៖

ជ្រើសរើសភោជនីយដ្ឋានដែលមានការវាយតម្លៃល្អៗ ដើម្បីទទួលបានរសជាតិពិតៗនៃម្ហូបខ្មែរក្នុងស្រុកនៅភ្នំពេញ។

ស្លៀកសម្លៀកបំពាក់បែបសាមញ្ញ ប៉ុន្តែមានភាពសមរម្យ និងបិទបាំងជិតល្អ ដើម្បីបង្កើនភាពសប្បាយរីករាយ ភាពងាយស្រួល និងផាសុកភាពក្នុងកំឡុងពេលធ្វើដំណើរ។

នៅពេលដើរទិញទំនិញ កុំបារម្ភក្នុងការតថ្លៃ ដែលជាទម្លាប់ទូទៅ ដើម្បីទទួលបានទំនិញក្នុងតម្លៃដ៏ល្អបំផុត។

ជៀសវាងការជជែកវែកញែកអំពីបញ្ហានយោបាយ និងប្រធានបទរសើបផ្សេងៗនៅក្នុងទីក្រុងភ្នំពេញ។

បង្កើនការប្រុងប្រយ័ត្នខ្ពស់នៅតាមដងផ្លូវដែលមានមនុស្សកកកុញ ដើម្បីជៀសវាងករណីបាត់បង់ទ្រព្យសម្បត្តិ ឬឯកសារផ្ទាល់ខ្លួនដោយសារការលួចប្លន់ជាយថាហេតុ។