Siem Reap ទៅ Battambang សេវាឡានក្

ការធ្វើដំណើរតាមរថយន្តក្រុងពីខេត្តសៀមរាប ទៅខេត្តបាត់ដំបង ផ្តល់ឱកាសឱ្យអ្នកធ្វើដំណើរ និងភ្ញៀវទេសចរបានឃើញពីវប្បធម៌ និងទេសភាពក្នុងស្រុកនៅតាមដងផ្លូវ។ អ្នកដំណើរអាចគយគន់ទេសភាពដ៏ស្រស់ត្រកាលនៃប្រទេសកម្ពុជានៅពេលធ្វើដំណើរពីខេត្តសៀមរាប ទៅខេត្តបាត់ដំបង។ ទីក្រុងដ៏ស្រស់ស្អាត ព្រែកដ៏ស្ងប់ស្ងាត់ និងវាលស្រែដ៏ខៀវស្រងាត់នឹងផ្តល់ជូននូវបទពិសោធន៍ដ៏អស្ចារ្យដល់អ្នក។

ការធ្វើដំណើរតាមរថយន្តក្រុងពីខេត្តសៀមរាប ទៅខេត្តបាត់ដំបងចំណាយពេល ៣ ទៅ ៤ម៉ោង។  វាជាមធ្យោបាយធ្វើដំណើរដ៏ងាយស្រួល មានផាសុកភាព និងមានតម្លៃសមរម្យសម្រាប់មនុស្សគ្រប់រូបនៅក្នុងប្រទេសកម្ពុជា។ អ្នកដំណើរអាចកក់សំបុត្ររថយន្តក្រុងពីខេត្តសៀមរាប ទៅខេត្តបាត់ដំបងតាមប្រព័ន្ធអនឡាញ ដើម្បីធានាថាបានកក់កៅអីទៅតាមគម្រោងធ្វើដំណើររបស់ពួកគេ។

តើការធ្វើដំណើរតាមរថយន្តក្រុងពីខេត្តសៀមរាប ទៅខេត្តបាត់ដំបងចំណាយពេលប៉ុន្មានម៉ោង?

អ្នក​ធ្វើ​ដំណើរ​អាចធ្វើដំណើរចេញពីខេត្តសៀមរាបទៅខេត្តបាត់ដំបងដោយផ្ទាល់តាមផ្លូវគោក។ ក្រុមហ៊ុនរថយន្តក្រុងនានាដំណើរការរថយន្តក្រុងប្រហែល ៧ គ្រឿងក្នុងមួយថ្ងៃ ដោយចេញដំណើរពីខេត្តសៀមរាបរៀងរាល់ ២ ទៅ ៣ម៉ោងម្តង។ រថយន្តក្រុងមានតម្លៃខុសគ្នា អាស្រ័យលើគ្រឿងបរិក្ខារនៃរថយន្តដូចជា កៅអី ម៉ោងទំនេរ អ្នកបើកបររថយន្តក្រុងជាដើម។

ពីខេត្តសៀមរាបទៅខេត្តបាត់ដំបងមិនមានជើងរថភ្លើងទៅនោះទេ ដូច្នេះហើយអ្នកត្រូវជ្រើសរើសប្រើសេវា
រថយន្តក្រុងពីខេត្តសៀមរាបទៅខេត្តបាត់ដំបង។ អ្នកដំណើរក៏អាចជួលតាក់ស៊ី រថយន្ដឈ្នួល ប្រភេទរថយន្តធនតូច ឬប្រភេទរថយន្ត van ដើម្បីធ្វើដំណើរបានដែរ ប៉ុន្តែវាជាជម្រើសដែលមានតម្លៃថ្លៃ។ អ្នកគួរតែជៀសវាងធ្វើដំណើរតាមយានយន្តរបស់អ្នកស្រុក ឬយានយន្តឯកជន។ រថយន្តក្រុងឯកជនដែលទទួលបានការអនុញ្ញាតត្រឹមត្រូវពីខេត្តសៀមរាប ទៅខេត្តបាត់ដំបងមានសុវត្ថិភាព និងអាចទុកចិត្តបានជាង។ ក្រុមហ៊ុន វីរៈ ប៊ុនថាំ និង
ក្រុមហ៊ុន ហ្គោ ហូ ត្រាវែល គឺជាក្រុមហ៊ុនរថយន្តក្រុងដែលទទួលបានការអនុញ្ញាតត្រឹមត្រូវ ដែលផ្តល់សេវាកម្មដឹកអ្នកដំណើរប្រកបដោយផាសុកភាពក្នុងតម្លៃសមរម្យ។

អំពីខេត្តបាត់ដំបង

ខេត្តបាត់ដំបងមានទីតាំងស្ថិតនៅតាមដងស្ទឹងសង្កែ ភាគពាយព្យនៃប្រទេសកម្ពុជា ក្រុងបាត់ដំបងបានទាក់ទាញភ្ញៀវទេសចរដោយព្រោះតែមានទេសភាពដ៏ស្រស់ត្រកាល វប្បធម៌ដ៏រស់រវើក និងបេតិកភណ្ឌដ៏យូរអង្វែង។ នៅពេលដើរតាមដងវិថីនានាក្នុងក្រុងបាត់ដំបង អ្នកនឹងចាប់អារម្មណ៍ជាមួយនឹងស្ថាបត្យកម្មដ៏ឆើតឆាយដែលមានក្បាច់រចនាដ៏ប្រណិត ដែលធ្វើឱ្យយើងមានអារម្មណ៍ថាដូចជាបានវិលត្រលប់ទៅកាន់អតីតកាលវិញអ៊ីចឹង។ ភ្ញៀវទេសចរត្រូវតែទៅទស្សនាការសំដែងរបាំ និងការសម្តែងនានានៅក្នុងទីក្រុងនេះ ដែលជាវេទិកាសម្រាប់សម្តែងសិល្បៈប្រពៃណីខ្មែរ។

ភ្ញៀវទេសចរដែលមកលេងខេត្តបាត់ដំបងគឺជាប់ចិត្តជាមួយនឹងសម្រស់ និងបដិសណ្ឋារកិច្ចរបស់ខេត្តនេះ ដូចជាបរិយាកាសនៃទីក្រុង ការទទួលទានម្ហូបខ្មែរនៅក្នុងផ្សារដ៏អ៊ូអរ ឬពិសាកាហ្វេស្រស់មួយពែងជាមួយអ្នកស្រុក។

បើ​និយាយពីអាកាសធាតុវិញ នៅរដូវប្រាំងពីខែវិច្ឆិកា ដល់ខែមេសា ជាពេលដែលគួរមកកម្សាន្តនៅខេត្តបាត់ដំបងដ៏ល្អបំផុត។ អាកាសធាតុក្នុងកំឡុងខែទាំងនេះមានសីតុណ្ហភាពមិនសូវក្ដៅ មានកម្រិតសំណើមទាប និងមិនសូវមានភ្លៀងធ្លាក់ឡើយ ដូច្នេះហើយវាធ្វើឱ្យការដើរកម្សាន្តមានភាពងាយស្រួល។ នេះជាពេលវេលាដ៏ល្អបំផុតសម្រាប់ការដើរកម្សាន្តនៅខាងក្រៅ ដូចជាការជិះកង់ ការដើរទស្សនា និងជិះទូកកម្សាន្តតាមដងស្ទឹងសង្កែ។

តម្លៃសំបុត្ររថយន្តក្រុងពីខេត្តសៀមរាបទៅខេត្តបាត់ដំបង

សំបុត្ររថយន្តក្រុងពីខេត្តសៀមរាប ទៅខេត្តបាត់ដំបងមានតម្លៃចន្លោះពី Rs. ៨០០ ទៅ Rs. ១,០០០ អាស្រ័យទៅតាមកត្តាផ្សេងៗដូចជា កៅអី ក្រុមហ៊ុនប្រតិបត្តិកររថយន្តក្រុង ម៉ោងចេញដំណើររបស់រថយន្តក្រុង។ល។

កន្លែងដែលគួរទៅទស្សនានៅក្នុងខេត្តបាត់ដំបង

នៅខេត្តបាត់ដំបងមានកន្លែងកម្សាន្ត និងសកម្មភាពផ្សេងៗជាច្រើនសម្រាប់ភ្ញៀវទេសចរដែលចង់ស្វែងយល់ពីប្រវត្តិសាស្រ្ត ចូលចិត្តធ្វើការផ្សងព្រេងនៅខាងក្រៅ និងចង់ទទួលបានបទពិសោធន៍បែបវប្បធម៌

• រថភ្លើងឬស្សី - រថភ្លើងនេះគឺជាមធ្យោបាយធ្វើដំណើរដ៏ប្លែកម្យ៉ាង ដោយសារតែការប្រើប្រាស់ម៉ាស៊ីនតូចមួយដើម្បីធ្វើដំណើរជុំវិញទីជនបទនៅលើផ្លូវដែកដែលបានកែច្នៃ។ នៅពេលដែលរថភ្លើងធ្វើដំណើរតាមបណ្តោយផ្លូវដែក អ្នកអាចគយគន់ទេសភាពជុំវិញជនបទដ៏ស្រស់ស្អាត។
• ហ្វារ​ពន្លឺសិល្បៈ - ភ្ញៀវទេសចរ គួរទៅទស្សនាការសម្ដែងនៅអង្គការហ្វារពន្លឺសិល្បៈ ដែលជាអង្គការមិនស្វែងរកប្រាក់ចំណេញ។ វាលើកកម្ពស់សិល្បៈនៃការសម្តែងរបស់ខ្មែរ តាមរយៈការផលិតល្ខោន ការ
  សម្តែងសៀក និងសិក្ខាសាលា ដើម្បីផ្ដល់ចំណេះដឹងអំពីវប្បធម៌សិល្បៈដ៏រស់រវើកនៃខេត្តបាត់ដំបង។
• ភ្នំសំពៅ - ស្វែងយល់ពីភ្នំមួយដែលមានឈ្មោះថា ភ្នំសំពៅ វាជាកន្លែងសក្ការៈបូជា និងមានរូងភ្នំជាច្រើនដែលជាកន្លែងបុរាណដ៏សំខាន់។ អ្នកអាចឡើងលើភ្នំ នៅពេលថ្ងៃរសៀល ដើម្បីបានទៅមើលទេសភាពថ្ងៃលិចដ៏ស្រស់ស្អាតនៅលើកំពូលភ្នំ។
• វត្តបាណន់ - វិហារបុរាណនៅសតវត្សរ៍ទី ១១ នេះមានទីតាំងនៅលើភ្នំមួយដែលមានឈ្មោះថាភ្នំ
  បាណន់។ អ្នកត្រូវធ្វើដំណើរឡើងតាមកាំជណ្ដើរ ដើម្បីឆ្ពោះទៅកាន់ប្រាសាទ ដែលវានឹងធ្វើឱ្យលោកអ្នកមើលឃើញទេសភាពដ៏ស្រស់ស្អាតពីទីតាំងជុំវិញប្រាសាទ។
• ការជិះទូកកម្សាន្ត - អ្នកអាចបន្ធូរអារម្មណ៍តាមរយៈការជិះទូកកម្សាន្តតាមដងស្ទឹងសង្កែ ដែលហូរកាត់វាលស្រែ ស្រះឈូក និងក្រុងបុរាណនានា អមជាមួយទេសភាពដ៏ស្រស់ស្អាតនានា។ សូមកុំភ្លេចរង់ចាំមើលសត្វបក្សាបក្សីហើរលើវេហា សត្វក្របីដើរមូលមីគ្នា និងសត្វព្រៃផ្សេងៗទៀត។

គន្លឹះ​ធ្វើ​ដំណើរ​​នៅក្នុងខេត្តបាត់ដំបង

គន្លឹះ​ធ្វើ​ដំណើរ​សម្រាប់​ភ្ញៀវ​ទេសចរ​ដែល​ធ្វើ​ដំណើរ​តាមរថយន្តក្រុងពី​ខេត្តសៀមរាប​ ទៅ​ខេត្តបាត់ដំបង​ -

• សម្រាប់​ភ្ញៀវ​ទេសចរអន្តរជាតិ សូមទុកលិខិតឆ្លងដែនរបស់អ្នកនៅកន្លែងដែលងាយស្រួលយក និងមានសុវត្ថិភាព ដើម្បីជៀសវាងបញ្ហាផ្សេងៗ។
• ភ្ញៀវ​ទេសចរដែលមក​លេងនៅរដូវប្រាំងគួរតែយកសម្លៀកបំពាក់ស្ដើងៗដែលអាចឱ្យខ្យល់ចេញចូលបានយ៉ាងងាយស្រួលសម្រាប់អាកាសធាតុស្ងួត និងសើម។
• រៀន ឬកត់ត្រាពាក្យខ្មែរទូទៅ ដើម្បីកុំឱ្យមានការយល់ច្រលំ ឬមានភាពច្របូលច្របល់។
• សូមអានគោលការណ៍ដាក់ឥវ៉ាន់របស់ក្រុមហ៊ុនរថយន្តក្រុងដោយប្រុងប្រយ័ត្នមុនពេលធ្វើដំណើរ។ 
  ក្រុមហ៊ុនខ្លះអាចគិតថ្លៃដាក់អីវ៉ាន់បន្ថែម។