Phnom Penh ទៅ Sihanouk Ville សេវាឡានក្រុង

ការរៀបចំផែនការ ប្រើប្រាស់រថយន្តក្រុងពីរាជធានីភ្នំពេញ ទៅក្រុងព្រះសីហនុគឺជាគំនិតដ៏ល្អមួយ។ នៅតាម
ទីក្រុងនានាជុំវិញពិភពលោក មធ្យោបាយធ្វើដំណើរសាធារណៈមានតួនាទីយ៉ាងសំខាន់។ ភាពងាយស្រួល និងភាពបត់បែនដែលរថយន្តក្រុងបានផ្តល់ជូន អាចធ្វើឱ្យជីវិតកាន់តែមានភាពសាមញ្ញ និងងាយស្រួលជាងមុន។ ការធ្វើដំណើរពីរាជធានីភ្នំពេញទៅក្រុងព្រះសីហនុ គឺត្រូវឆ្លងកាត់ឆ្នេរសមុទ្រជាច្រើន ដូច្នេះហើយការធ្វើដំណើរតាមរថយន្តក្រុងពិតជាគួរអោយចាប់អារម្មណ៍ណាស់។

ដោយសារតែផ្លូវពីរាជធានីភ្នំពេញទៅក្រុងព្រះសីហនុ គឺជាផ្លូវដែលមានភាពមមាញឹក ដូច្នេះហើយការធ្វើដំណើរតាមរថយន្តក្រុងពីរាជធានីភ្នំពេញ ទៅក្រុងព្រះសីហនុមិនត្រឹមតែលឿនប៉ុណ្ណោះទេ ប៉ុន្តែថែមទាំងមានភាពងាយស្រួលទៀតផង។ ការធ្វើដំណើររថយន្តក្រុងក៏ជាជម្រើសសន្សំសំចៃ និងមានសុវត្ថិភាពសម្រាប់ការធ្វើដំណើរពី
ទីក្រុងមួយ ទៅទីក្រុងមួយទៀតផងដែរ។ ការរៀបចំផែនការទុកជាមុន នឹងជួយធ្វើឱ្យការធ្វើដំណើរតាមរថយន្តក្រុងវីអាយភី ពីរាជធានីភ្នំពេញ ទៅក្រុងព្រះសីហនុរបស់អ្នកកាន់តែមិនអាចបំភ្លេចបាន។

តើការធ្វើដំណើរតាមរថយន្តក្រុងពីរាជធានីភ្នំពេញ ទៅក្រុងព្រះសីហនុត្រូវចំណាយពេលប៉ុន្មានម៉ោង?

ពីរាជធានីភ្នំពេញទៅក្រុងព្រះសីហនុមានចម្ងាយ ២១៤,៦ គីឡូម៉ែត្រស្មើនឹង ១៣៣,៣ ម៉ាយ។ វាត្រូវចំណាយពេលប្រហែល ៣ ម៉ោងដើម្បីធ្វើដំណើរពីភ្នំពេញ ទៅក្រុងព្រះសីហនុ ហើយពេលវេលាធ្វើដំណើរ គឺអាស្រ័យទៅតាមអ្នកបើកបររថយន្តក្រុង ស្ថានភាពចរាចរណ៍ និងចំនួនចំណតដែលបានឈប់។

ក្នុងនាមជាអ្នកធ្វើដំណើរ អ្នកប្រហែលជាធ្លាប់ប្រើប្រាស់មធ្យោបាយធ្វើដំណើរផ្សេងទៀតដើម្បីធ្វើដំណើរពី
រាជធានីភ្នំពេញទៅក្រុងព្រះសីហនុហើយ ប៉ុន្តែការប្រើប្រាស់សេវារថយន្តក្រុងធ្វើឱ្យការធ្វើដំណើរកាន់តែមានភាពរីករាយ។ មិនថាអ្នកធ្វើដំណើរតែម្នាក់ឯង ឬជាមួយក្រុមគ្រួសារនោះទេ អ្នកជឿជាក់ថា រាល់នៅពេលដែលអ្នកធ្វើការកក់សំបុត្របានត្រឹមត្រូវ អ្នកនឹងទទួលបានតម្លៃសំបុត្ររថយន្តក្រុង ពីរាជធានីភ្នំពេញ ទៅក្រុងព្រះសីហនុក្នុងតម្លៃដ៏ល្អបំផុត។

អំពីគោលដៅ

ក្រុងព្រះសីហនុ គឺជាទីក្រុងដែលនៅជាប់មាត់សមុទ្រក្នុងប្រទេសកម្ពុជា មានទីតាំងស្ថិតនៅក្នុងឈូងសមុទ្រថៃ។ ក្រុងព្រះសីហនុត្រូវបានគេស្គាល់ថាជាឆ្នេរដ៏រស់រវើក ដែលទាក់ទាញចំណាប់អារម្មណ៍របស់ភ្ញៀវទេសចរមកពី
ជុំវិញពិភពលោក ដោយការជ្រមុជទឹកលេងកម្សាន្តនៅកន្លែងទឹកជ្រៅ និងរាក់ ការហែលទឹក ការជិះក្តារលើទឹករលក និងការជិះទូកកាយ៉ាក។ ទឹកពណ៌ខៀវថ្លា ហុំព័ន្ធដោយព្រៃកោងកាង និងដើមត្នោត បង្កើតបានជាទេសភាពឆ្នេរសមុទ្រដ៏ស្រស់ស្អាត ខណៈពេលសម្រាកនៅក្រោមឆ័ត្រស្បូវ។ ក្រៅពីនេះ ក៏មានហាងអាហារជាច្រើនដែលមានលក់គ្រឿងសមុទ្របែបខ្មែរដ៏មានរសជាតិឈ្ងុយឆ្ងាញ់។

ក្រុងព្រះសីហនុមានអាកាសធាតុក្តៅ ដោយសារវាមានទីតាំងស្ថិតនៅជិតមាត់សមុទ្រ។ ខ្យល់មូសុងនិរតីដែលបក់កាត់ទីក្រុងដែលនៅជាប់មាត់សមុទ្រ គឺជាមូលហេតុធ្វើឱ្យទីក្រុងនេះមានរដូវប្រាំង និងវស្សា។ ពេលវេលាដ៏ល្អបំផុតដែលគួរមកកម្សាន្តនៅទីក្រុងនេះគឺនៅរដូវប្រាំង។ ទោះបីជាវាចាប់ផ្តើមនៅខែតុលា និងបញ្ចប់នៅដើមខែឧសភាក៏ដោយ ក៏អ្នកគួរតែទៅកម្សាន្តនៅទីក្រុងនេះ ចន្លោះខែវិច្ឆិកា និងកុម្ភៈ ដោយសារវាមិនសូវមានភ្លៀងធ្លាក់ដែលអាចជួយបង្កើនបទពិសោធន៍កម្សាន្តល្អៗរបស់ភ្ញៀវទេសចរ។

ក្រុមហ៊ុនរថយន្តក្រុងពីរាជធានីភ្នំពេញ ទៅក្រុងព្រះសីហនុដ៏ពេញនិយម

ក្រុមហ៊ុន វីរៈ ប៊ុនថាំ

ប្រសិនបើអ្នកមានគម្រោងប្រើប្រាស់រថយន្តក្រុងពីរាជធានីភ្នំពេញទៅក្រុងព្រះសីហនុជាមួយក្រុមហ៊ុន វីរៈ ប៊ុនថាំ អ្នកនឹងទទួលបាន៖

• ទឹកពិសារដោយឥតគិតថ្លៃ
• រថយន្តក្រុងមានម៉ាស៊ីនត្រជាក់ដែលមានគុណភាពល្អ
• ភ្ជាប់សេវា Wi-Fi
• កៅអីដ៏មានផាសុកភាពដែលមានកន្លែងដាក់ជើងធំទូលាយ។

ក្រុមហ៊ុន ចាន់ ម៉ូលីរដ្ឋ

ក្រុមហ៊ុន ចាន់ ម៉ូលីរដ្ឋ ផ្ដល់ជូនសេវារថយន្តក្រុងប្រកបដោយផាសុកភាព និងសុវត្ថិភាព ដែលរួមមាន៖

• វីដេអូកម្សាន្ត
• បន្ទប់ទឹកស្អាត
• កៅអីទម្រេត
• មានរថយន្តក្រុងជាច្រើនប្រភេទ សម្រាប់ឱ្យជ្រើសរើស។

ក្រុមហ៊ុន សុវណ្ណ រិទ្ធី ដឹកអ្នកដំណើរ

មានផ្ដល់ជូន៖

• ការប្រើប្រាស់​  Wi-Fi ដោយឥតគិតថ្លៃ
• កន្លែងសាកថ្ម
• មានបន្ទប់ទឹកនៅលើរថយន្តក្រុង
• រថយន្តក្រុងមានម៉ាស៊ីនត្រជាក់ និងកន្លែងដាក់ជើងដ៏ធំទូលាយ។

ក្រុមហ៊ុន វិបុល អ៊ិចប្រេស

ទទួលបានសេវាដូចខាងក្រោមក្នុងតម្លៃដ៏សមរម្យបំផុត៖

• កៅអីដ៏មានផាសុកភាព
• កន្លែងសម្រាប់ដាក់អីវ៉ាន់
• រថយន្តក្រុងដែលមានម៉ាស៊ីនត្រជាក់រួមជាមួយនឹងកៅអីស្តង់ដារ និងប្រណិត។

តម្លៃសំបុត្ររថយន្តក្រុងពីរាជធានីភ្នំពេញទៅក្រុងព្រះសីហនុ

តម្លៃសំបុត្ររថយន្តក្រុងពីរាជធានីភ្នំពេញ ទៅក្រុងព្រះសីហនុប្រែប្រួលអាស្រ័យទៅតាមកត្តាមួយចំនួន។ កត្តាដែលធ្វើឱ្យតម្លៃសំបុត្ររថយន្តក្រុងប្រែប្រួលមានដូចជាពេលវេលា ប្រភេទរថយន្តក្រុងដែលអ្នកជ្រើសរើស ការបញ្ចុះតម្លៃដែលអ្នកអាចទទួលបាននៅពេលអ្នកកក់សំបុត្រ។ល។  ជាទូទៅ វាមានតម្លៃខ្ទង់ $៧ សម្រាប់រថយន្តក្រុងដែលមានម៉ាស៊ីនត្រជាក់ធម្មតា។ សម្រាប់ការធ្វើដំណើរតាមរថយន្តក្រុងវីអាយភី ពីរាជធានីភ្នំពេញទៅក្រុងព្រះសីហនុ អាចមានតម្លៃ $២៥។

កន្លែងដែលគួរទៅទស្សនានៅក្នុងក្រុងព្រះសីហនុ

សកម្មភាព​មួយ​ចំនួន​ដែល​ភ្ញៀវទេសចរ​ចូល​ចិត្ត​ធ្វើ​នៅ​ទីតាំង​ល្បីៗ ​ក្នុង​ក្រុងព្រះសីហនុ​មានដូចជា៖

ឆ្នេរអូរត្រេះ

រីករាយជាមួយនឹងការជិះ​ក្តារលើទឹករលក ការជ្រមុជទឹកលេងកម្សាន្តនៅកន្លែងទឹករាក់ និងការហែលទឹកនៅឆ្នេរអូរត្រេះ ដែលជាឆ្នេរសម្បូរភ្ញៀវទេសចរមកកម្សាន្តលំដាប់ទីពីរ បន្ទាប់ពីឆ្នេរអូរឈើទាល។

ឆ្នេរអូរឈើទាល

បំពេញការផ្សងព្រេងរបស់អ្នកជាមួយនឹងកីឡាក្នុងទឹកបែបផ្សងព្រេងដូចជាការជិះទូកកាយ៉ាក និងជ្រមុជទឹកក្នុងទឹកពណ៌ខៀវថ្លានៃឆ្នេរអូរឈើទាល ដែលពោរពេញទៅដោយដើមត្នោត និងព្រៃកោងកាង។

ឧទ្យានជាតិរាម

ត្រៀមខ្លួនជាស្រេចដើម្បីដើរលេងកម្សាន្តនៅឧទ្យានជាតិរាម ដែលអ្នកត្រូវឆ្លងកាត់ព្រៃ និងរុក្ខជាតិដ៏ខៀវស្រងាត់ ក៏ដូចជាពពួកសត្វនានា។​

ផ្សារលើ

ទិញវត្ថុអនុស្សាវរីយនៅក្នុងក្រុងព្រះសីហនុ ដូចជារូបព្រះពុទ្ធបដិមា ចម្លាក់ឈើ និងត្បូងនៅផ្សារដ៏
ចំនាស់មួយគឺផ្សារលើ។

ទឹកធ្លាក់ក្បាលឆាយ

រៀបចំគម្រោងទៅលេងទឹកធ្លាក់ក្បាលឆាយ ដើម្បីរីករាយជាមួយនឹងទេសភាពរបស់ធម្មជាតិជុំវិញទឹកជ្រោះ។

គន្លឹះ​ធ្វើ​ដំណើរ​​នៅក្នុងក្រុង​ព្រះសីហនុ

សូម​ចងចាំ​គន្លឹះ​ធ្វើ​ដំណើរ​ទាំង​នេះ​ដែល​អ្នក​គួរ​អនុវត្ត​នៅ​ក្នុងក្រុង​ព្រះសីហនុ៖

• សូមថែរក្សាវត្ថុមានតម្លៃ និងឯកសារផ្ទាល់ខ្លួនរបស់អ្នកឱ្យបានល្អ ព្រោះនៅតាមឆ្នេរសមុទ្រក្នុងក្រុងព្រះសីហនុមិនមានសុវត្ថិភាពសម្រាប់ភ្ញៀវទេសចរឡើយ។
• ទោះបីជាអ្នករស់នៅក្នុងក្រុងព្រះសីហនុប្រើប្រាស់ភាសាអង់គ្លេសបានក៏ដោយ ក៏អ្នកគួរតែព្យាយាមរៀនឃ្លាជាភាសាខ្មែរមួយចំនួន ដើម្បីបង្កើនបទពិសោធន៍ធ្វើដំណើររបស់អ្នកឱ្យកាន់តែល្អប្រសើរ។
• ជៀសវាងធ្វើដំណើរតាមម៉ូតូឌុប ឬតាក់ស៊ីដែលគ្មានអាជ្ញាប័ណ្ណ
• ប្រសិនបើអាចធ្វើបាន អ្នកគួរតែជៀសវាងការចេញទៅក្រៅតែម្នាក់ឯងនៅពេលយប់  ជាពិសេសប្រសិនបើអ្នកជាអ្នកដំណើរដែលដើរកម្សាន្តតែម្នាក់ឯង
• ជៀសវាងចូលរួមក្នុងសកម្មភាពខុសច្បាប់ ដូចជាការជួញដូរគ្រឿងញៀន និងការបរបាញ់សត្វព្រៃជា
  ដើម។